BUTUAN CITY – Panahon na matud pa aron isyuhan og contempt order o ipa-aresto ang pipila ka mga personalidad nga padayong dili mutambong sa mga pagdungog sa Senate Blue Ribbon Committee apil na si kanhi Rep Elizalde ‘Zaldy’ Co.
Kini tungod kay taliwa sa makadaghang higayon nga pag-imbitar kanila, nagpabilin ang ilang wala pagtambong tungod sa lain-laing mga rason, lakip na ang posibleng pagtago.
Sumala ni Senate Blue Ribbon Committee Chairman Ping Lacson, gikinahanglan pa ang pormal nga pagdungog sa komite sa dili pa ipagawas ang contempt order batok kanila ilabina nga kinahanglang patas sila sa tanang giimbitar nga mga resource persons.
Dili matud pa makatarunganib nga ang mga una nang nanambong, sama sa contractor nga si Curlee Discaya, gi-contempt, samtang ang uban tugotan lang nga balewalaon ang imbitasyon sa Senado.
Sa pagkakaron, wala pa gitakda nga petsa kung kanus-a magpahigayon og pagdungod ang maong komite.
