BUTUAN CITY – Otsienta porsiento nang andam ang probinsyal nga panggamhanan sa Agusan del Sur alang sa pag-host sa Palarong Pambansa 2026 nga himuon karong Mayo.
Sigon ni Governor Santiago ‘Santi’ Cane Jr, ning mi-aging tuig pa nagsugod ang ilang prepasyon alang sa tanang aspeto sama sa mga playing venues, mga billeting quarters nga sak-an sa mga delegado, mga kinahanglanong supplies partikular sa mga sports equipment aron ang uban nga wala sa ila, ilang hulamon sa Philippine Sports Commission kon PSC.
Sa pagkakaron, gi-finalize na nila ang implementasyon na sa sunod nga proseso alang sa malampuson unyang hosting sa nasangpit nga padula.
Gani, aron masiguro kini, matag-karon og unya duna’y gihimo ug himuon pang mga meetings alang sa pag-refine pa sa mga preparasyon samtang sa Pebrero 11, duna’y ipatawag nga executive committee meeting isip preparasyon usab sa ipahigayong joint meeting ka-uban ang Palarong Pambansa National Board nga himuon sa ilang lalawigan sa susamang buwan.
Gawas pa kini sa himuong national management committee meeting sa unang semana sa buwan sa Mayo, pila ka semana adiser ang nasangpit nga padula.
Wala na usa’y angayang kabalak-an kung hisgutan ang gamitong pundo tungod kay gigahinan na kini sa probinsyal nga panggamhanan aron wala’y mareklamo ang gibana-banang 18 hangtud 20-mil ka mga entrante sa padula.
Samtang ka-abag usab nila ilabina sa preparasyon sa 20 ka mga billeting quarters ang division offices sa Department of Education sa Bayugan City ug sa ilang lalawigan apil na sa rehiyunal nga buhatan ug ang mga mayores sa lalawigan.
