BUTUAN CITY – Sugdan na karung adlawa Lunes, Enero 19 ang kampanya sa Department of Health kon DOH-Caraga nga measles-rubella supplemental immunization alang sa mga bata.
Sumala ni Sharon Coja, Nurse V sa DOH-Caraga, target sa maong programa ang mga bata nga nag-edad og 6 hangtod 59 ka bulan, kansa giila isip mga vulnerable children.
Target sa DOH nga makab-ot sa tibuok Caraga ang 269,295 ka mga bata nga mabakunahan batok sa measles ug rubella. Gipasalig usab ni Coja nga ang tanang bakuna libre ug madawat sa tanan.
Dugang pa, adunay duha ka semana nga igahin alang sa catch-up vaccination sa mga bata nga wala ma-apil sa unang hugna. Gani, gi-awhag nini ang tanang ginikanan nga pabakunahan ang ilang mga anak aron maprotektahan sila batok sa maong sakit.
