BUTUAN CITY – Gipresenta sa mga economic managers sa gobyerno sa Pilipinas ang ilang “big bold reforms” ngadto sa mga dagkong negosyante aron makadani og pamuhunan ug mabalik ang kumpiyansa human sa isyu sa flood control corruption nga naka-apekto sa ekonomiya sa nasud.
Sigon ni Finance Secretary Frederick Go, ang mga reporma gilangkuban sa pag-streamline sa proseso sa Bureau of Internal Revenue, paglusad sa single window trade facilitation platform sa Customs, ug pag-secure sa pondo para sa Comprehensive Automotive Resurgence Strategy kon CARS program.
Sigon usab ni Department of Public Works and Highways kon DPWH Secretary Vince Dizon, mikunhod ang gasto sa imprastruktura sa ikaduhang bahin sa tuig 2025 apan gisaad nga maggasto og ₱200 hangtud 250 bilyon sa unang quarter ning tuiga ug tapuson ang mga natanggong nga mga proyekto sama sa dalan, tulay, ospital ug classroom.
