BUTUAN CITY – Nagpasaka ang Office of the Ombudsman og kaso nga malversation ug graft batok kang kanhi senador Ramon “Bong” Revilla Jr. ug 6 ka opisyal sa Department of Public Works and Highways Bulacan 1st District Engineering Office tungod sa gika-ingong ₱92.8 milyon nga ghost flood control projects sa Pandi, Bulacan.
Sumala ni Assistant Ombudsman Mico Clavano, gi-akusahan ang mga respondents nga nagpagawas og ₱76 milyon alang sa proyekto nga wala na-implementar, apan gideklarang nahuman na.
Nakit-an usab nga nag-falsify sila og accomplishment reports, nagpagawas og peke nga billing documents, ug nag-endorso og disbursement vouchers. Apil sa kaso ang mga opisyal nga sila Brice Hernandez, Jaypee Mendoza, Arjay Domasig, Emelita Juat, Juanito Mendoza, ug Christina Pineda.
Nagpasaka usab ang Ombudsman og urgent motion alang sa warrant of arrest ug hold-departure order. Na-tag si Revilla sa isyu human gibutyag ni kanhi DPWH Undersecretary Roberto Bernardo ga naghatod siya og ₱125 milyon ug laing ₱250 milyon sa balay ni Revilla tungod sa pag-endorso sa flood control projects.
Ang sworn statement ni Bernardo gihimong basehan sa rekomendasyon sa Independent Commission for Infrastructure sa pagpasaka og kaso kansa gipanghimakak sa kanhi senador.
Kini na ang ikaduhang batch sa kaso sa flood control anomalies nga gipasaka sa Ombudsman, human sa unang kaso batok kang kanhi Rep. Zaldy Co, 15 ka opisyal sa DPWH-MIMAROPA kon Mindoro, Marinduque, Romblon ug Palawasn ug mga representante sa Sunwest Inc. sa Naujan, Oriental Mindoro.
