BUTUAN CITY – Gipagawas na sa Philippine Tennis Association kon PHILTA ang presyo sa mga tiket ug ang petsa sa pagbaligya alang sa umalabot nga Philippine Women’s Open, nga ipahigayon sa unang higayon dinhi sa Pilipinas.
Sugod karong adlawa, Enero 14, pwede na mapalit ang mga tiket alang sa qualifying ug main draw matches, pinaagi sa online ug onsite.
Base sa gipagawas nga presyo sa tiket, P200 kada-adlaw ang presyo sa tiket alang sa qualifying matches, samtang sa unang upat ka adlaw sa main draw, mosaka na sa P1,000 matag-tiket.
Sumala ni PHILTA Executive Director Tonette Mendoza, adunay pag-usab sa presyo pag-abot sa semifinals ug finals ug i -anunsyo pa sunod nga semana ang insaktong petsa sa pagbaligya niini.
Sigon ni Mendoza, gusto sa kagamhanan nga makatan-aw ang tanan nga gustong motan-aw sa duwa, ilabina kay unang higayon kini nga mag-host ang Pilipinas sa maong torneyo.
Nasayrang abri ang Rizal Memorial Stadium alang sa ubang kalihokan gawas sa tennis. Tugotan ang publiko nga moadto sa museum, fanzone, ug uban pang lugar, bisan pa nga nagpadayon ang tennis tournament.
Gisiguro usab sa PHILTA nga andam na ang Rizal Memorial Tennis Center sa pagsugod sa torneyo.
