Naglusad ang Russian forces og pinakagrabe nga missile attacks sa Ukraine, diin nakapatay kini og 4 ka tawo ug naka-angol sa daghan pa.
Tungod sa kadaot sa imprastraktura, gi-impose ang emergency power cuts sa Kyiv, samtang grabe usab ang kadaot sa usa ka thermal power plant sa pribadong energy company.
Dul-an 20 ka ballistic missiles ang gilusad sulod sa usa ka oras, sumala sa monitoring channels, ug gihulagway kini isip pinaka-sustained strike karong tuiga.
Sa Kharkiv, upat ang patay ug unom ang samdan human sa strike nga mitumbok sa postal terminal ug nakapahimo og sunog nga mikabat og 500 square meters.
Sa Odessa, lima ang samdan tungod sa sunog sa usa ka building, fitness center ug vocational school, samtang sa Kryvyi Rih, duha ang samdan ug nakaguba sa civilian infrastructure, mga kabalayan ug gas pipelines.
