BUTUAN CITY -Gipa-ambit ni Cardinal Pablo Virgilio David ang opisyal nga datos gikan sa 2025 General Appropriations Act kom GAA kansa nagpakita og dako nga pondong gigahin alang sa mga magbabalaod sa nasud.
Sumala sa cardinal, ang matag senador adunay yearly budget nga ₱580.42 milyon, nga kung i-pangapod-apod sa 24 ka mga senador, mu-abot kini sa kinatibuk-ang dul-an sa P13.93 bilyon matag-usa kansa bugti sa labing minus ₱48.37 milyon matag-buwan o ₱1.61 milyon kada-adlaw.
Samtang, ang matag kongresista usab adunay nakagahin nga ₱106.53 milyon matag-tuig ug sa kinatibuk-ang 316 ka miyembro sa Kamara, mu-abot kini sa ₱33.67 bilyon alang sa House of Representatives. Bugti kini sa ₱8.88 milyon matag-buwan o ₱292,598 kada adlaw matag kongresista.
Sa kinatibuk-an, mi-abot sa ₱47.6 bilyon ang opisyal nga budget alang sa lehislatura niadtong 2025.
Gihisgutan usab ni Cardinal David nga dili pa kauban niini ang gitawag nga komisyon o kickbacks gikan sa mga proyekto, ingon man ang mga pondo gikan sa unprogrammed appropriations ug patronage funds nga mo-agi sa mga ayuda programs.
Sigon sa Cardinal nag nagpabiling bug-at nga pangutana kung gi-unsa paggamit ang grabe dako nga kantidad, ilabina nga ang nasud padayon nga gibaha ang mga tungha-an, kulang ang mga ospital og higda-anan, nalubong sa utang ang mga mag-uuma, ug nanginabuhing ala-ot ang mga trabahante.
Sigon pa niini, nga ang P47.6 bilyon alang sa mga magbabalaod, adiser pa man i-lakip ang patronage ug commissions dili lamang moral issue kundi usa ka national issue. Dugang pa niini, nga gihuwatan matud pa kung pila ang gigahin sa mga magbabalaod alang sa ilang kaugalingon sa 2026 GAA.
