BUTUAN CITY – Gikumpirma ni Davao City 1st District Rep Paolo ‘Pulong’ Duterte nga wala’y angayang kabalak-an ang kahimtang sa iyang amahan nga si kanhi Pangulong Rodrigo Duterte, sulod sa detention facility sa International Criminal Court kon ICC sa The Hague, Netherlands karong tingtugnaw na sa maong nasud.
Human sa iyang pagbisita sa iyang amahan, gipadayag sa kongresista nga na-abtan niya ang iyang amahan nga wala pa’y pani-udto, naligo apan wala gibasa ang tiil ug taas na ang buhok samtang mibangon lang sa ila nang pag-abot.
Ang importante alang kanila karon ilabina nilang managsoon nga andam kanunay ilabina sa mga tawong padayong nagtinguha nga pukanon ang ilang kredibilidad dungan sa paghagit sa katawhan nga ang matag-usa, nasayod kung kinsa ang mga tawong kawatan nga bisan sa nawong pa lang, ma-ilhan na matud pa ug wala na’y gustong muhunong pagpangawat sa pundo sa gobyerno.
Mihangyo pa kining dili na siya tawgong kongresista tungod sa grabeng ka-ulawon nga dala sa House of Representatives nga mugna sa lapad nga kurapsyong ilang gilambigitan.
Apil sa iyang gika-ulaw ang kawala’y nasilutan nga mga membro sa Kamara nga nalambigit sa lapad nga kurapsyon ug ang gibalik-balik na hinuon mao ang pagdaut sa besi presidente taliwa sa gipagawas nga mga pamahayag sa nagkada-iyang ahensya sa kagamhanan nga naglimpyo kaniya gikan sa mga alegasyong kurapsyon.
