-- ADVERTISEMENT --
BUTUAN CITY – Sa prisuhan nag-Pasko ang usa ka fruit vendor human kini nasapon nga nag-sideline pagpamaligya og shabu didto sa Barangay 9-A, Davao City pasado-ala 1:00 kagahapon sa kadlawon, Disyembre 24.
Gidakop si Louigi Dejacto, residente sa Catalunan Grande sa maong siyudad pinaagi sa drug buy-bust operation nga gihimo sa operatiba sa Special Operations Units – 11 uban ang San Pedro Police Station kondiin nakuha gikan kaniya ang balor sa P544,000.00 lakip ang mga drug paraphernalia ug personal nga mga butang.
Gipasakaan na kini og kasong paglapas sa Republic Act 9165 kon Comprehensive Dangerous Drugs Act of 2002.
Ang dinakpan ginakonsiderang high-value individual gumikan sa kalambigitan niini sa iligal nga droga.
