-- ADVERTISEMENT --
BUTUAN CITY – Nakatala na ang Department of Health (DOH) og 7 ka kaso sa injury tungod sa pabuto karong holiday season.
Sumala sa pinaka-ulahing datos kagahapong adlawa, Martes, aduna nay 3 ka bag-ong kaso nga natala gikan sa Disyembre 21 hangtod alas-4 sa buntag kagahapon, Disyembre 23, nga nagdugang sa na-unang 4 ka kaso. Kini mas ubos og 75% kumpara sa 28 ka kaso sa samang panahon niadtong 2024.
Sigon sa DOH, 4 sa 7 ka mga biktima, nag-edad og 19 anyos paubos, ug kadaghanan kanila tungod sa Boga ug 5-Star nga pabuto.
Ang datos gikan sa 62 ka mga sentinel hospitals nga gi-monitor alang sa firecracker-related injuries. Padayon pang obserbahan sa DOH ang ihap sa mga insidente hangtod Enero 5, 2026 isip kabahin sa holiday monitoring.
