BUTUAN CITY – Gipadayag ni Ombudsman Jesus Crispin Remulla nga posibleng bungkagon na ang Independent Commission for Infrastructure (ICI) sulod lang sa usa o kaha duha ka bulan, higayong ang tanan nilang findings kalabot sa gi-imbestigahan nilang mga anumalusong flood control projects, i-turn over na ngadto sa ilang buhatan.
Sa pagkakaron, gibutyag ni Remulla nga ang Ombudsman na ang mupadayon sa kaso ug ang ICI temporaryo lang nga mekanismo.
Madumdumang gimugna ang Independent Commission for Infrastructure (ICI) aron tutukan ang imbestigasyon sa anomalya sa flood-control projects nga nagkantidad ug bilyones pisos ug karon napuno na kini sa kontrobersiya human usa-usa nga mi-resign ang mga sakop niini.
Migawas ang maong pamahayag usa ka adlaw human boluntaryong midalikyat sa ICI kagahapon si presidential son Rep Sandro Marcos aron matud pa mutabang sa imbestigasyon apan mihangyo og close-door meeting.
