BUTUAN CITY – Nanawagan si Bishop Gerardo Alminaza, vice chairman sa Catholic Bishops Conference of the Philippines kon CBCP Episcopal Commission Social Action, Justice and Peace, ngadto sa katawhang Filipino nga dili lang magpasalamat kondili atimanon gayod ang bukid sa Sierra Madre – ang pinakadakong bukid sa Pilipinas nga maoy nagprotekta sa Luzon gikan sa kabangis sa bagyong Uwan.
Sigon sa obispo, ang tinuod nga pagpasalamat, mao ang pagpabati sa responsibilidad sa pag-atiman sa kina-iyahan ug dili lang sa pagtabang higayong duna’y kalamidad.
Sigon sa obispo, naguba ang kabukiran tungod sa quarrying, illegal logging ug mining ug uban pang mga proyekto ug ang maong kada-ut, nagsalamot sa kaganid ug pagpasagad sa mga tawo.
Una nang gitaho sa Philippine Atmospheric, Geophysical and Astronomical Services Administration kon PAGASA nga mihinay ang super typhoon Uwan human kini mi-igo sa kabukiran sa Luzon kondiin apil na niini ang Sierra Madre. Pamatuod lamang kini sa kamahinungdanon sa mga bukid isip natural nga taming sa atong nasud batuk sa bagyo.
