BUTUAN CITY – Naghatag og lingaw ang mga away nga gihimo atol sa ‘Thrilla in Manila’ 50th anniversary celebration nga gipahigayon sa Araneta Coliseum kagabii. Apil niini ang anak ni eight division boxing champion Manny Pacquiao nga si Eman Bacosa kinsa mipildi kang Nico Salado ng Bohol.
Nakuha niini ang unanimous decision win rason nga nagpabiling limpyo ang iyang record nga pito ka daug ug wala pa’y pildi samtang si Salado, duna’y tag-duha ka daug ug pildi, usa ka knockout ug usa ka draw.
Samtang nakalusot usab si Filipino Olympic bronze medalist Eumir Marcial human giparot si Eddy Colmenares sa Venezuela sa co-main event sa 50th anniversary fight sa Thrilla in Manila.
Nakuha niini ang majority decision win human sa 10 round sa away bisan og naglisod si Marcial tungod sa duha ka higayon niyang pagkatumba, sa round 3 ug sa round 10.
Sa nahabiling pipila ka segundo sa last round,d aling mibangon si Marcial ug gipa-ulanan og kinomo ang Venezuelan boxer. Usa ka judge ang naghaag og 94-94 nga puntos sa duha ka boksidor samtang ang 95-93 nga iskor, maoy mipabor kang Marcial rason nga nakuha niini ang bakanteng World Boxing Council kon WBC international middleweight title.
Duna na’y record si Marcial nga pito ka daug ug wala’y pildi uban sa upat ka mga knockouts samtang si Colmenares aduna’y 11 ka daug, tulo ka pildi ug 11 ka knockouts.
Apil sa nangdaug sila Carl James Martin batuk kang kanhi world title challenger Aran Dipaen sa Thailand ug si World Boxing council kon WBC minimumweight champion Melvin Jerusalem nga midaog batuk kang South African challenger Siyakholwa Kuse.
Samtang gi-knockout usab ni Marlon Tapales si Venezuelan boxer Fernando Toro sa ika-5 nga round sa ilang away.
