BUTUAN CITY – Mi-abot sa kapin ₱18 milyon, ang kinatibuk-ang bahandi ni Senadora Risa Hontiveros , base sa iyang Statement of Assets, Liabilities, and Net Worth (SALN) sa tuig 2024.
Si Hontiveros ang unang senador sa 20th Congress nga nagpahibalo sa publiko sa tibuok detalye sa iyang mga kabtangan.
Base sa SALN nga gisubmite ni Hontiveros, mi-abot sa ₱19.88 milyon ang kinatibuk-ang kantidad sa iyang mga kabtangan, lakip ang tulo ka real properties nga nagkantidad og ₱8.73 milyon ug mga personal nga kabtangan sama sa mga sakyanan, cash deposits, alahas, nagkada-iyang mga butang, ug mga libro nga nagkantidad og kapin ₱11 milyon.
Usa ra ka utang ang nakasulat sa iyang SALN — nga mao ang usa ka car loan nga nagkantidad og ₱897,840.
Aduna usab siyay negosyo o financial interest sa tulo ka kompanya: usa ka dive resort diin siya stockholder, usa ka rural bank diin siya miyembro ug usa ka wholesale trade company diin miyembro usab siya.
Wala usab siya’y gi-report nga anak nga menor de edad, ug wala siya’y paryente nga nagtrabaho sa gobyerno.
Ang pag-file sa SALN kabahin sa padayon nga pagtuman ni Senadora Hontiveros sa transparency ug ptulubagon isip alagad sa katawhan.
