BUTUAN CITY – Wala’y Pinoy casualty sa pagpamomba sa Israel sa Doha, Qatar ning mi-aging adlaw partikular sa distritong nahimutangan sa mga opisyal sa Hamas ilabina si Khalil al-Hayya, ang exiled Gaza chief ug usa sa mga nag-unang negosyador sa grupo.
Sigon ni Bombo International Correspondent to Duha, Qatar Menchie Moliyok, duol lang sa Philippine Embassy ang lokasyon sa pagpamomba apil na sa tunghaan.
Usa lang matud pa ka building ang na-igo sa maong pagpamomba nga adunay gidak-on sama sa usa ka housing unit. Natigayon matud pa ang pagpamomba human nga wala ma-intercept.
Dugang pa ni Moliyok, sa pagkakaron, wala pa sila gibawalan tungod kay gi-abisuhan lang sila nga mag-amping alang lang usab sa ilang kaluwasan bisan paman nga luwas sila sa maong dapit.
Ang ilang kapolisan padayon nga nag-monitor sa kadalanan ug nagpatrolya, nag-check sa mga ID ug mga sakyanan.
Taliwala sa maong kagubot padayon usab nga naghatag og mga impormasyon ingun man update ang mga ahensya sama Philippine Embassy ug uban pang mga organisasyon.
