-- ADVERTISEMENT --
BUTUAN CITY – Padayon pang gi-imbestigahan sa kapulisan ang napalgang kalabera sa tawo kagahapong adlawa sa kasagbutang bahin Dreamland, Barangay Alba, lungsod sa Tago, Surigao del Sur.
Sigon sa Tago Municipal Police Station, misumbong si Jonicar Balat, 47 anyos, ngadto sa kapulisan human nakita sa mga bukog samtang nagbantay sa iyang kabaw ug gipakisayran na ang identity sa biktima human gipa-ilalom sa forensic examination aron matino ang edad, gender, ug posibleng hinungdan sa iyang kamatayon.
Nanawagan usab ang mga otoridad niadtong nawad-an og kabanay nga makig-alayon sa kapulisan aron matabangan sa padayong imbestigasyon.
