Mga pulis nga gikutay sa pagkahanaw sa mga sabungeros ug sa mihipos sa mga nalambigit sa war-on-drugs, usa ra sigon ni alyas ‘Totoy’

BUTUAN CITY – Gibulgar ni missing sabungeros whistleblower Julie ‘Dondon’ Patidongan kinsa mas nailang si alyas Totoy nga ang mga pulis nga iyang gilambigit sa pagkahanaw sa 108 ka mga sabungero, mao ra usab matud pa ang mihipos sa mga tawong nalambigit sa war-on-drugs.

Sa press conference nga gihimo kaganina sa buhatan sa National Police Commission kon NAPOLCOM, gipadayag kini ni alyas Totoy dungan sa pagklaro nga dili una niya kini ipadayag sa pagkakaron sa rason nga posibleng bisan asa na usab kini mu-abot nga isyu.

Mu-abot matud pa ang adlaw nga iyagyag niya kini apan dili unya niya kini ipadayag sa social media.