BUTUAN CITY – Gisaysay ni Police Maj. Carter Makiling Yamba, chief of police sa Buenavista Municipal Police Station, ang ilang gihimong manhunt operation aron masikop ang suspetsado sa pagpanigbas-patay sa iyang kapuyo didto sa national highway sa Brgy. Matabao, lungsod sa Buenavista, Agusan Del Norte.
Sumala sa hepe, nakaresponde sila sulod lang sa 3-minutos human nakadawat og tawag kalabot sa maong insidente kondiin ilang na-abtan nila sa crime scene ang 36-anyos nga biktima nga naligo na sa iyang kaugalingong dugo ug daling gikarga sa ambulansiya padulong sa ospital dayong pangita sa susetsadong si alyas Buloy, pulos residente sa Purok 2, sakop sa maong barangay.
Dihang wala makita sa kalubian ang suspetsado pag-abot sa alas-nueve ang takna sa kagabhi-on, mibalik sila sa crime scene ug gibalay-balay nanila ang ilang pagpangita ilabina sa mga paryente apan wala gihapon nila nakita.
Mi-abot sila sa usa ka naka-lock nga balay nga dunay tapad nga tindahan nga maoy ilang hugot nga gibantayan hangtud nga namatikdan nila nga ang banig, naglihok sama sa daw duna’y tawo nga miginhawa rason nga ila kining giduslak og kahoy ug dinhi na mitumaw ang responsable.
Kagahapon, gipasakaan na og kasong murder ang suspetsado pinaagi sa inquest proceedings.
