BUTUAN CITY – Gilamoy sa kalayo ang panimalay ni Gerardo Chintez Jr sa Purok 5, Barangay Lumbocan, ning siyudad sa Butuan kagahapon sa alas-10 ang takna sa buntag.
Dali nga mitabang ang mga silingan pagpalong sa kalayo uban sa tulo ka mga fire trucks, hinungdan nga napugngan ang pagkaylap sa kalayo ngadto sa ubang panimalay.
Duha ka pamilya ang apektado sa insidente ug kasamtangang nagpuyo sa ilang mga kabanay.
Gihatagan dayon og ayuda ang mga biktima gikan sa Local Government Unit kon LGU, lakip na ang food packs, cash assistance requirements, ug uban pa nga tabang, uban sa pag-abag sa Barangay ug sa City Social Welfare and Development Department kon CSWD.
Padayon pa ang imbestigasyon sa Bureau of Fire Protection kon BFP Butuan aron masuta ang tinood nga hinungdan sa maong sunog.
