-- ADVERTISEMENT --
BUTUAN CITY – Tingkagol sa karsel sa Butuan City Police Station kon BCPS-2 ang usa ka ulitawo nga high-value individual human nakuhaan og pito ka sachets sa suspected shabu sa gilusad nga drug buy-bust operation pasado alas-7:00 kagabii sulod sa iyang pinuy-anan.
Ang maong mga epektos nga gibana-banang nagkantidad og ₱47,600.00, nakuha gikan sa pinuy-anan ni Rico Bandoy Azarcon sa Purok 3-A, Brgy. Holy Redeemer ning siyudad sa Butuan uban sa duha ka tag-₱500.00 nga marked money nga maoy gigamit sa gihimong test buy.
Gihikay na ang mga dokumento ug mga ebidensyang gamiton alang sa pagpasaka og tukmang kaso batuk sa suspetsado.
