Security guard nga langayan mu-duty, gipusil-patay sa iyang kauban

BUTUAN CITY – Patay ang usa ka security guard human kini gipusil sa iyang kaubang guwardiya sa Antipoo City, Rizal.

Base sa impormasyong gipagawas ni Police Lt. Col. Ryan Manongdo, Antipolo City Police chief, nasuko matud pa ang maong suspek tungod sa langayan mo-duty ang iyang kauban nga reliever niini.

Niadtong higayona, 30 minutos matud pang late ang biktima nga maoy mupuli sa suspek.

Apan gipahayag sa suspek nga duna pay laing rason nganung nahimo ang kremin.

Nagtingkagol na sa prisuhan ang suspek nga nangayu og pasaylo sa iyang nabuhat.