BUTUAN CITY – Karong Biernes pa, Nobyembre 15, makapatawag og command conference o briefing sa mga empleyado sa Philippine Drug Enforcement Agency kon PDEA-Caraga ang bag-ong regional director nga si Director III Levi Ortiz.
Sumala ni Dindo Abellanosa, tigpamaba sa maong buhatan, misaad matud pa si Director Ortiz nga pakusgan ang pagbantay sa mga exit ug entry points ning rehiyon pinaagi sa mga seaports ug airports security units aron pakusgan ang pagbantay sa mga entry og exit points dinhe sa rehiyon sa Caraga.
Una nang nataho nga naggikan ang barko sa Surigao del Norte nga midunggo sa Liloan Port karga ang 57 kilos nga gitoohang shabu ug nasuta pa nga ang tag-iya sa sakyanang gikargahan sa mga epektos, nakarehistro sa taga-Carmen, Surigao Del Sur.
Gibutyag pa ni Abellanosa nga kung sa panahon sa gihulipan niini nga si Director Charlene Madurulang, daghan ang na-revoke nga drug cleared status nga mga barangay, sa pangatungdanan usab ni Ortiz, naglaum na sila nga pakusgan pa nini ang anti-drug operation ilabina kay nakahawid na ang bag-ong regional director og mga dagkong siyudad ug nakahimo na usab og dagkong mga anti drug operation.
