BUTUAN CITY – Mulungtad pa hangtud sa Nobyembre 9 ang pagsa-ulog sa Pilipinas sa 1st Philippine Criminology Profession Week nga gisugdan niadtong Dominggo, Nobyembre 3 isip selebrasyon sa partisipasyon sa mga criminologists sa nasud diha sa paghatag og siguridad sa publiko.
Sigon ni Dr. Gerry Cano, presidente sa Philippine Criminology Association of the Philippines kon PCAP, ang maong selebrasyon alang niadtong mga criminologists nga anaa sa han-ay sa Philippine National Police; Bureau of Jail, Management and Penology kon BJMP; Bureau of Fire; National Bureau of Investigation ug uban pa.
Ang maong mga criminologists mao matud pa ang mga unsung heroes sa nasud nga mihimo sa ilang tahas nga proteksyunan ang katawhan ug mismo ang nasud.
Gawas sa mga kalihukan nga gihimo ug himuon pa sa matag-rehiyon, duna usab sila’y tulo ka mga nasudnong kalihukan nga himuon sa kauluhang Manila karong Nobyembre 7 ug 8.
Apil niini ang 1st Philippine Criminology Profession Summit ug ang 28th PCAP National Convention nga gila-umang tambungan sa 400 ngadto sa 500 ka mga partisipante ug dayon ang awards night.
