BUTUAN CITY – Gisuspende karong hapon ang klase sa Maon Integrated School sa Brgy Maon ning siyudad sa Butuan tungod sa gihimong fogging operation aron mapatay ang mga lamok ilabina dihang nakumpirma nga nagpositibo sa dengue angmga samples sa kiti-kiti sa maong tunghaan.
Sigon ni officer-in-charge Limbe Felicilda, nakig-alayon gilayon sila sa mga barangay officials nga mao na usa’y miduol sa city government ug sa Department of Health aron lang mariyalisar ang maong fogging operation.
Mi-abag usab kanila ang mga barangay officials sa Brgy. Golden Ribbon ug Brgy. Pangabugan.
Aron malikayan ang pagtala na usab og kaso sa dengue, nanawagan siya sa tanan nga magtinabangay paghinlo sa sulod, gawas ug palibot sa ilang tunghaan.
Gihangyo usab niya ang mga estudaynte ug ang ilang mga ginikanan nga magpahid og off-lotion o kaha magdala og kalabo isip pang-abog sa lamok.
