BUTUAN CITY – Gitun-an na ni World Health Organization (WHO) director-general Tedros Adhanom Ghebreyesus ang pag-convene sa expert committee aron hisgutan ang nagkalapad nga Mpox outbreak sa Africa ug kung angayan na ba kining ideklara isip international emergency.
Sugod niadtong Septyembre, misaka na ang maong sakit sa Democratic Republic of Congo nga gitu-uhang mikaylap na usab sa uban pang mga African countries.
Sigon ni Ghebreyesus, gipalapdan na usab nila sa UN health agency nga Africa Centers for Disease Control and Prevention, ug mga local government sa Africa ang ilang tubag sa maong problema.
Plano usab niining makigtagbo sa International Health Regulations Emergency Committee alang sa susamang katuyuan.
Ang Mpox, ng naila kaniadtong monkeypox, us aka makatakod nga sakit nga hatud sa virus nga matakod ngadto sa mga tawo gikan sa mga hayop, ilabina sa mga ilaga ingon man ang human to human transmission pinaagi sa physical contact.
Una kining nadiskubre niadtong 1970 sa Democratic Republic of Congo kondiin ang inisyal nga simtomas niini mao ang hilanat, pagpanakit sa ka-unuran, skin lesions, ug uban pa.
