BUTUAN CITY – Gikalipay sa mga magbabalaud nga mitambong sa State of the Nation Address kon SONA ni Pangulong Ferdinand ‘’Bongbon’ Marcos ang saad niini ngadto sa mga public- school teachers nga wala na’y mahitabo nga ’utang-tagging’ kanila.
Nasayran nga ang utang-tagging mao ang nahimong babag sa mga magtutudlo aron ilang ma-renew ang ilang teacher’s license sulod na sa pipila ka katu-igan.
Makatarunganon lang matud pa nga magpadayon sa pagtudlo ang mga public school teachers nga duna’y dinagko nga utang aron makapadayon sa ilang panginabuhian.
Gani nag-alokar na og pundo ang gobyerno aron mapatuman na sa hingpit ang Expanded Career Progression System alang kanila.
Ang maong sistema, mag-promote matud pa sa ilang professional development ug carreer advancement ug pinaagi matud pa niini nga sistema, wala na’y public school teacher nga muretiro nga teacher 1 lang ang ranggo.
