BUTUAN CITY – Gisugdan na kagahapong adlawa hangtud sa Hunyo 9 ang 2024 Regional Science, Technology, and Innovation Week kon RSTW nga himoon sa Robinsons Mall ning siyudad sa Butuan.
Tinuig kining ginahimo sa Department of Science and Technology kon DOST aron ipakita ang bag-ong kalambuan sa siyensiya ug teknolohiya.
Sa pakighinabi ning sibyahan, gibutyag ni Almar Dela Cerna, Science Research Assistant sa Caraga Consortium for Agriculture Aquatic and Natural resources Research and Development kon CCARD kansa usa sa exhibitors sa maong kalihukan, gibutyag niining sugod karung adlawa duna sila’y booth aron ipakita ang innovative products gikan sa local scientist ug research sa Caraga.
Lakip na niini ang Caraga black native chicken nga makaplagan sa proyektong mugna sa Caraga State University. Samtang i-display usab nila ang mga produkto gikan sa ubang partner agencies sama sa soy beans ug bio fertilizers.
Ang usa ka semana nga kalihukan, puno sa exhibit, forum, workshops og uban pang mga interactive nga kalihukan aron mapahibalo sa publiko ang kamahinungdanon sa epekto sa siyensiya diha sa kinabuhi sa tawo.
