-- ADVERTISEMENT --
BUTUAN CITY – Usa ang Bombo Radyo Philippines sa mga nakadawat og Certificate of Recognition isip COVID-19 Response Partner sa Philippine Red Cross kagabie, Mayo 30 sa ilang gilusad nga Appreciation Event.
Gi-ila sa Philippine Red Cross ang liboan nilang mga partners niini sama sa mga staff, volunteers ug mga chapters nga ninglihok panahon sa COVID-19 operations sa niadtung panahon sa pandemya sa tuig 2019 ngadto sa 2023.
Ang gihimo sa nasangpit nga humanitarian organization, timaan sa ilang pag-ila sa ti-unay nga serbisyo sa Bombo Radyo Philippines ngadto sa atung mga suking tigpaminaw pinaagi sa paghatud og tukmang impormasyon sa paspas ug insakto nga pamaagi.
