BUTUAN CITY – Nadakpan na sa gilusad nga hot pursuit operation ang usa ka gun runner nga mipusil-patay sa usa ka pulis atol sa gihimong entrapment operation pasado alas-8:44 kagabii sa may Purok 6, Brgy. Ampayon ning siyudad sa Butuan.
Nadakpan si Mark Tapic, hingkod ang edad, pasado alas-tres kaganinang kaadlawon sa may Purok 5-A, Brgy. Tiniwisan ning siyudad ug gikatakdang pasakaan og kasong murder ug roberry human niini gidala sa iyang pagsibat ang armas sa biktimang si PCpl. Ianklein Plaza nga nadestino sa Regional Special Operations Unit-13.
Sa eksklusibong pakighinabi sa Bombo Radyo Butuan, gibutyag ni Butuan City Police Office kon BCPO spokesperson PCapt. Anne Cubio nga gihimo ang entrapment operation aron unta dakpon ang suspetsado tungod pagpamaligya niini og dili lisensyadong armas.
Mi-abot sa punto nga naka-amoy si Tapic nga pulis ang iyang katransaksyon rason nga gi-ilog niini ang armas sa pulis nga maoy gipusil kaniya sa makaduha ka higayon dayong sibat.
Gidala pa sa ospital ang biktima apan gideklara kining ded-on-arrival.
