BUTUAN CITY – Malipayong gisa-ulog sa katawhan sa China ang 2023 Chinese New Year tungod kay giluagan na mansa kagamhanan ang ilang COVID-19 restrictions human ang pila ka buwan nga pagpatuman sa COVID-19 zero policy.
Sa eksklusibong pakighinabi sa Bombo Radyo Butuan, gipadayag ni Bombo international correspondent Miss LZ nga sugod niadtong Enero 21 hangtud 27, pito ka adlaw silang naka-holiday kondiin ning mga adlawa, manguli ang katawhan ngadto sa ilang lugar nga natawhan aron sugaton ang bag-ong tuig uban sa ilang pamilya.
Dili matud pa layo ang pagsa-ulog sa mga Instik sa maong kasa-ulugan ug dinhi sa Pilipinas gawas lang sa mga tradisyon ug kultura.
Kung dinhi sa Pilipinas, daghang mga pamilya ang paglitson og baboy apan didto sa China, apil sa ilang main dish ang isda ug karneng manok.
Ang importante matud pa nga makasuot sila og kolor pula nga sapot sa mismong pagsugat sa bag-ong tuig tungod kay nagdala matud pa kini og swerte sa entiro tuig.
