-- ADVERTISEMENT --
BUTUAN CITY – Nagpagawas na og pamahayag ang Malacañang human ang gika-ingong pagluwat na sa puwesto ni Presidential Management Staff o PMS Secretary Naida Angping.
Sigon ni Office of the Press Secretary officer-in-charge Undersecretary Cheloy Velicaria-Garafil, gihangyo ni Angping kang Pangulong Ferdinand Marcos Jr. nga gusto niyang maggahin muna og oras sa iyang kaugalingon ug sa iyang pamilya nga gi-uyunan matud pa sa pangulo.
Hinuon, wala gitin-aw ni Garafil kung resignation o leave of absence ang gihimo ni Angping.
Una nang mikaylap sa social media nga nag-resign si Angping ug gikatakda matud pang himuong Philippine Ambassador to Portugal.
