BUTUAN CITY – Hingpit nang nakita ang nabulag nga parte sa lawas sa batang 8-month old kansa biktima sa pagpanigbas-patay kauban sa iyang amahan.
Mahinumdumang, natigayon ang mangil-ngig nga kremin niadtong Hunyo 27 diin ang biktima mao sila Johnny Avila Sequira og anak nga 8-month old nga batang babaye kansa giputlan og ulo.
Muabot sa lima ka adlaw usab ang pinangetaay sa ulo sa bata human kini gibit-bit sa suspetsado nga uyuan ra usab sa bata nga si Fred Avila Sequira.
Sa nahimong taho ni Bombo Correspondent Benjie Ballaran, gibutyag niining kaganinangalas 4:00 sa hapon sa dihang nakaplagan ang ulo sa bata sa nangisdang residente sa suba sa may Sitio Mayag sakop sa Barangay Matin-ao, mga 3 kilometros gikan sa nahitaboan.
Maayo nalang kay nasangit kini sa kahoy rasong wala hingpit nga na-anod. Sumala pa ni Ballaran nga daw gipangkitkit nas isda ang maong ulo diin nasuta usab nga gitadtad pa kini sa katulo kahigayon rason nga nabuak ang bagol-bagol sa bata.
Tungod sa maong kalambuan, mibati og gamay nga kalipay ang pamilya sa bata tungod kay malubong naman kini nga kumpleto ang lawas.
Giplanohang ihatud sa katapusang pahulayanan ang mga biktima karung lunes apan ang lugar diin kini ilubong padayon pang gidiskusyunan sa pamilya.
