BUTUAN CITY – Pormal nga nagduso og reklamo kagahapong adlawa ngadto sa Commission on Elections kon COMELEC-Butuan ang mikandidato pagka-konsehal ning siyudad batuk sa upat ka mga indibidwal ug sa kinatibuk-ang Team RCL tungod matud pa sa mga kwestyunableng practices nga iyang na-obserbahan.
Ang complainant nga si Romeo Catalan, minyo ug residente sa Doongan road, Brgy. Bayanihan ning siyudad sa Butuan, mireklamo batuk nila Irene Buron, Lenevic Gempero, Arlyn Kate Cubillas, Melanie Villegas ug sa mismong Team RCL tungod matud pa sa na-obserbahan niining paghangyo sa pipila ka mga botante nga pirmahan ang usa ka sample ballot kansa gipirmahan pa apan wala’y shading ug posibleng matu-uhan matud pa nga kabahin kini sa illegal procedure aron mmudaog sa eleksyon.
Nakalatid sa reklamo ni Catalan nga ginotaryo ni Atty. Jose Guibone nga duda siyang gamiton sa grupo ang mga shaded ballots atol sa hagpatay ug transmission sa mga resulta sa eleksyon matag-barangay.
Posible usab matud pa nga kini nga scheme sa pre-signing sa wala’y shade nga mga balota, usa ka prelude ngadto sa pag-tamper sa aktwal nga resulta unya sa mga botong basahon sa ilegal o kaha tinaguan nga vote counting machine kansa pagsupak sa provisions sa COMELEC Resolution No. 10727 section 75.
Gisukip sa reklamante ang nagkada-iyang affidavits nga gi-execute sa mga botante subay sa maong reklamo.
Hangyo ni Catalan nga imbestigahan kini ilabina ang mga indibidwal nga iyang gitumbok sa iyang complaint sa ingon mahunong na matud pa ang ilegal nga kalihukang gihimo sa Team RCL.
