BUTUAN CITY – Pasakahan og kasong may kalapasan sa section 5 og 11 sa Article 2 sa Repubic act 9165 ang usa ka delivery rider human usab nga nasikop sa gihimong buybust operation kagahapon sa alas 3:50 sa hapon sa may Purok 2, Brgy. Libertad, Butuan City.
Naila ang nadakpan nga si JAYBERT JAVA, 27-anyos, olitawo, Delivery rider ug residente sa Brgy. Doongan, Butuan City kansa gikonsiderang High Value Target.
Nakumpiska nga ebidensiya ang 6 ka mga sachet nga dunay sulod sa gitoohang shabu nga gibana-banang mitimbang og 50 gramos, usa ka tinood nga usa ka libo ka pesos nga nagsilbing marked money kauban ang 7 ka mga tag-usa ka libo ka pesos nga boodle money, usa ka unit sa android phone, usa ka unit sa single motor ug usa ka pitaka.
Gihimo ang operasyon sa mga ginsakupan sa PDEA gikan sa Surigao Del Norte, Dinagat Island og Agusan Del Norte Provincial Offices lakip na ang Butuan City Police Station-3.
