BUTUAN CITY – Mi-abot sa 158 ka mga bus drivers ug conductors ingon man van ug taxi drivers ang napa-ilalom sa surprise drug test sa PDEA-Caraga kaganina sa may Langihan Premium Bus ug Robinson’s terminals ning siyudad sa Butuan.
Sa maong ihap, 81 niini diha sa Langihan bus terminal kondiin wala’y nagpositibo sa ginadiling druga apan sa Robinson’s terminal nakatala og 77 ka mga na-drug test, usa ang nagpositibo sa paggamit og ginadiling druga rason nga ila pang ipasa ang iyang urine sample didto sa Davao City alang sa confirmatory testing samtang ang iyang driver’s license, ila nang gipasa nadto sa LTO.
Sa eksklusibong pakighinabi sa Bombo Radyo Butuan, gipadayag ni PDEA-Caraga spokesperson Dindo Abellanosa nga higayong makumpirmang migamit gayod kini og ginadiling druga, ipa-ilalom kini sa counselling ug aghatong mupa-ilalom usab sa community-based rehabilitation program.
Gipasabot ni Abellanosa nga tumong sa ilang Oplan Harabas mao lang pagsiguro sa kaluwasan sa mga pasahero atol sa ilang pagbiyahe, matabangan ang mga drives ug mga conductors nga hanggtud karon, nagumon pa gihapon sa paggamit og ginadiling druga pinaagi sa rehabilitasyon, depende sa rekomendasyon sa mag-interview kaniya.
Una nang gibutyag ni Abellanosa nga nationwide ang gilusad nilang Oplan Harabas isip preparasyon alang sa luwas nga pagbalaan sa Semana Santa pinaagi sa pagsigurong wala mugamit og ginadiling druga ang mga drivers apil na ng conductors sa mga pampublikong sakyanan.
Gipadayag niining tumong lang sa ilang ahensya nga luwas ang pagbiyahe sa mga pasaherong manguli sa tagsa-tagsa nila ka mga lugar aron maka-uban ang pamilya sa pagbalaan sa Semana Santa.
Dugang pa sa opisyal, sukwahi kini sa illang gihimo niadtong 2016 tungod kay karon, dungan na kining gihimo diin dinhi sa dakbayan sa Butuan, gawas sa Langihan Premium Market, gihimo na usab kini sa Robinson’s Terminal.
