BUTUAN CITY- Ipatuman sugod karung adlawa ang pagamit sa skeletal force sa Butuan City Water District (BCWD) hangtod sa Setyebre 17 ning tuiga, kini aron malikayan ug mapugngan ang pagkaylap sa COVID-19.
Kini human nga gi-anunsyo mismo ni BCWD General Manager Anselmo Sang Tian ang maong kabag-uhan sa operasyon sa nasangpit nga opisina sa Distrito.
Apan taliwala pa man niini, padayon gihapon nga mo-cater ang maong opisina sa mga panginahanglanon sa mga conscessionaires.
Tumong usab sa maong kabag-uhan mao ang health & safety sa mga empleyado sa BCWD ug mga residente sa Butuan City nga maoy pinaka prayuridad sa maong buhatan.
Ang maong lakang mahimong maka kontrol sa social exposure sa matag empleyado aron mahunong na usab ang taransmission sa COVID-19.
Samtang gipasalig usab sa BCWD ngadto sa publiko nga ang mga serbisyo lakip ang suplay sa tubig dili makababag sa mga kabag-uhan sa operasyon sa opisina niini taliwala sa ipatumang skeletal forces.
Mamahimo usab nga mubayad ang concessionaires sa ilang mga bills sa mga accredited BCWD Collecting Centers nga anaa nahimutang sa Berry Happy Mart sa Pizarro St., Brgy. J.P. Rizal ;C5 Hardware nga anaa sa S1 Cassion Building, duol sa Rosewood Plains Subdivision, Villa Kananga; Clarhez Ticketing Services nga nahimutang sa National Highway, Brgy. Libertad, Butuan City; JPL Bayad Center nga anaa sa Brgy. Ampayon, Butuan City duol sa Public Market; TAM Payment and Remittance Center nga anaa usab sa Unit 1 Wing-on Corporate Building, Brgy. Holy Redeemer;ingun man Veterans Bank; ug The SM Store.
Tungod niini giawhag sa BCWD ang publiko nga seryosohon ang maong public health emergency ug ipadayon ang pagsunod sa mga guidelines sa Department of Health (DOH) ug lokal nga gobyerno sa Butuan City.
