BUTUAN CITY- Gibutyag ni Ampayon, Butuan City Barangay Captain Rodencio Basubas Jr., nga aduna na usa’y nag-ung-ong nga resolution sa Sagguniang Panglungsod nga posibleng magpasuspenso na usab kaniya.
Gipadayag kini ni Kapitan Basubas, duha ka adlaw lang human sa iyang pag-resume sa katungdanan human na-serbisyuhan ang pinaka-ulahing suspension order nga gipahamtang kaniya.
Sigon ni Kapitan Basubas, tungod kay aduna matod pay kasuko kaniya ang kadumalahan ning siyudad gilauman na niining aduna na usa’y lakang nga himuon ang kadumalahan nga magpasuspenso kaniya sa maong posisyon.
Sumala sa kapitan, wala siyay hanaw kung unsa gayod ang iyang nahimo nga grabe ka-init kaniya ang kadumalahan ning syudad.
Gipamugos usab ni Kapitan Basubas nga walay kamatu-uran ang una nang gibato kaniya nga mga isyu kaniadto diin usa na niini ang pagdawat matud pa niya og kwarta gikan sa bayad sa yuta nga gipanag-iyahan sa pamilyang Briones.
Gipadayag ni Kapitan Basubas nga wala siyay mahimo kundi atubangon ug ipaagi sa legal nga lakang ang mga ipahamtang kaniya.
Subli usab nga gipasibaw ni Kapitan Basubas nga usa ka dakong political harassment ang mga gipangbuno kaniya.
Ugaling ma-implement ang nag-ung-ong nga resolution kini na ang ikalimang higayon nga masuspenso siya pagka-kapitan sa Brgy. Ampayon.
