BUTUAN CITY-Temporaryong gisuspende sa Land Transportation, Franchising and Regulatory Board kon ang operasyon sa DATSCO sugod pa ning miaging adlaw kansa nakabalda sa transportasyon sa mga pasahero ug naka-apekto usab sa panginabuhian sa mga membro ug empleyado niini.
Gipasabot ni LTFRB-Caraga regional director Ma. Kristina Cassion, nga tungod kini sa pag-expire sa ilang provisional authority niadto pang Hunyo ning tuiga kansa niadto pang Nobyembre ning mi-aging tuig nila gipahibalo kondiin dili sila maka-apply pag-usab og prangkisa kung wala sila’y makuhang Certificate of Good Standing kon CGS gikan sa OTC.
Gipasabot pa niini nga dili indibidwal operator ang DATSCO kondili transport service cooperative kansa kinahanglang mu-comply sa mga requirements sa Cooperative Development Authority sama sa general assembly.
Kini gawas pa sa 33 ka mga audit observations nga kinahanglan nilang i-comply apil na ang ilang financial statements.
Gipanghimakak usab sa opisyal ang alegasyong gidali-dali nila ang suspenston sa ilang operasyon tungod kay taas nga panahon ang ilang gihatag nga pahimangno niadto pang Nobyembre aron ilang i-comply ang mga rekisitos. Kini gawas pa sa ilang kanunay nga pahimangno nga kompletuhon na ang mga rekisitos ug dili na pa-abutong mu-expire ang ilang prangkisa apan na-abtan na lang kini sa expiry sa ilang prangkisa rason pagkasuspende sa ilang operasyon.
