BUTUAN CITY – Dakong kalampusan alang sa transport sector ning siyudad sa Butuan ang pag-apruba na sa lokal nga kagamhanan nga mahimo nang maka-apply sa route conversion ang mga operators sa mga orange tricycles aron makabiyahe sa mga lugar nga maoy destinasyon sa mga ruta alang sa red, yellow, puti ug green nga motorela.
Kini human gi-aprubahan ni Butuan City Mayor Ronnie Vicente Lagnada ang SP Ordinance No. 6318-2021 nga magtugot sa mga orange triycles pag-convert sa nagkalain-laing ruta sa syudad aron makapamasada na sila human gidid-an pagsubay sa national highway.
Sa eksklusibong pakighinabi ning sibyahan, gibutyag ni Butuan Transport Federation President Jun Ybañez nga dugay na nila kining gilihok tungod kay apektado man ang ilang inadlaw nga pangitaan human gipatuman sa DILG ang pagdili kanila pagsubay sa national highway.
