BUTUAN CITY – Wala’y foul play ang pagkamatay sa 35-anyos nga si Mary Joy Galendez nga taga-Purok 4, Brgy. Banza ning siyudad sa Butuan kinsa napalgan na lang nga wala na’y kinabuhi kagahapon sa buntag human nag-inusarang nag-check in sa usa ka cottage sa Sitio Tinago, Brgy. Matabao, Buenavista, Agusan del Norte.
Sa eksklusibong pakighinabi sa Bombo Radyo Butuan, gipadayag ni P/Maj. Henry Savellano sa Buenavista Municipal Police Station nga base kini sa resulta sa gihimong pagsusi sa SOCO.
Una nang gibutyag nga dihang milapas na sa iyang oras sa pag-check in si Galendez, gituktok na kini sa care taker sa cottage ug dihang gi-ablihan na niini ang pultahan, nagbitay na kini sa sulod human naghikog gamit ang skipping rope.
Ang problema sa kasing-kasing ang gitu-uhang hinungdan sa iyang pagpakamatay ilabina nga bag-uhay pa kining nagkabulag sa iyang bana.
