BUTUAN CITY – Malampuson ang paglusad sa Police Regional Office kon PRO-13 sa ilang ceremonial vaccination alang sa 66 nila ka mga personahe sa Regional Health Service kon RHS-13.
Sigon ni PMajor Dorothy Tumulak, ang maong mga personahe mao ang mga medical frontliners nga na-assign sa PNP Caraga Regional Hospital sa Brgy. Libertad ning siyudad sa Butuan.
Sa eksklusibong pakighinabi sa Bombo Radyo Butuan, gipadayag ni Major Tumulak nga ang maong ihap mao ang anaa sa ilang priority list nga kinahanglanglang unahon tungod kay sila ang mag-atiman sa mga ma-admit nga mga pulis nga mataptan og COVID-19.
Bisan niadtong wala pa maka-abot ang Sinovac vaccines, andam na ang ilang mga medical frontliners nga magpatupok niini kondiin ang 66 nga anaa sa priority list tipik lang sa kapin 7-mil ka mga pulis sa tibuok rehiyon nga kinahanglan usab nga tupukan.
