BUTUAN CITY – ‘Inside job’ ang gitutukan karon sa kapulisan sa Carmen, Agusan del Norte sa pagtulis sa duha ka mga dalagang Locally Stranded Individuals kon LSIs samtang anaa sulod sa quarantine facility sa Brgy. Poblacion ning mi-aging kaadlawon human nangabot gikan sa kauluhang Manila.
Gipadayag ni PMajor Jenifer Ometer, hepe sa Carmen Municipal Station, base sa pamahayag sa mga biktima base na usab sa ilang nadunggan nga tingog sa suspek ug sa barog niini bisan pa man og naka-bonnet.
Sa pakighinabi sa Bombo Radyo Butuan, gipadayag ni Major Ometer nga dili pa siya og makahatag og pangalan sa suspek tungod kay gi-validate pa nila kini apan kung mapatud-ang mao gyod ang mitulis sa mga biktima, pasakaan nila kini og tukmang kaso pinaagi sa regular filing apan hulaton una nilang makahuman na sa ilang pagkwarantina ang maong mga LSIs adiser ang paghimo na nila og legal nga aksyon.
Nasayran nga mukabat sa 11-mil pesos nga salaping cash ug duha ka mahalong cell phones ang gikuha sa maong responsable.
