BUTUAN CITY – Giklaro ni PMajor Darwin Yu, hepe sa kapulisan sa San Francisco, Agusan del Sur nga misukol sa gihimong police operations ang napusilan-patay nga suspek sa sunod-sunod nga tulis sa ilang lungsod kagabii.
Sa eksklusibong pakighinabi sa Bombo Radyo Butuan, gi-ila ni Captain Yu ang suspek nga si Rico de la Cruz, 22-anyos, residente sa Brgy. Bayugan 2 sa maong lungsod.
Saysay pa sa hepe sa kapulisan, ang napusilan maoy suspek sa tulo ka sunod-sunod nga tulis sa ilang lungsod adiser ang Pasko kondiin wala siya mulampos sa ikatulo human nagpasutoy og padagan sa motorsiklo ang iya untang biktimahunon.
Hinuon milampos kini sa una ug ikaduha niyang mga biktima nga nag-withdraw og kwarta sa bangko kondiin dul-an sa 200-mil pesos ang iyang nadala human nga gihatag na lang nga wala’y duha-duha sa mga biktima ang nakuha nilang kwarta.
Natud-an matud pa nila ang gitambayan niini sa may town plaza base na usab sa gipa-abot nga impormasyon sa barangay intelligence network kon BIN ug dihang ila kining girespondihan, nagpabuto kini sa dala niining armas ngadto kanila rason sa ilang pagbalos nga misangpot sa kamatayon niini.
