BUTUAN CITY – Nakagawas na sa ospital si Surigao Del Sur Governor Alexander ‘Ayec’ Pimentel human ng pila ka adlaw nga pag-quarantine dihang nataptan sa Covid-19.
Sa eksklusibong pakighinabi sa Bombo Radyo Butuan, gibutyag ni Governor Pimentel nga sa nakalabay’ng adlaw lang siya nakagawas sa Adela Serra Ty Memorial Medical Center diin siya gi-admit tungod sa nasinatiang mild symptoms apan karon stable na ang iyang kondisyun ug nagpadayon sa iyang home quarantine.
Giklaro usab sa opisyal nga nagkagrabe na karun ang estado sa Bislig og Tandag City tungod sa Covid-19 diin duna na sila’y natalang local transmission.
Tungod niini, mas gipahugtan pa ang pagpatuman sa ordinansa nga dili pwedeng pasudlon o kaha pagawason ang katawhan sa Bislig ug Tandag ugaling walay ipakitang negatibo nga resulta sa rapid test.
Duna na usa’y mga barangay nga gi-lockdown aron mapug-ngan ang pagkuyanap sa virus.
