BUTUAN CITY – Gikwestyon sa kagamhanan sa Australia ang matod pa pagpasagad sa Pilipinas sa mga health protocols niini human ang pagpositibo sa coronavirus disease 2019 (COVID-19) sa halos 20 ka tripulanteng crew nga sakay sa Patricia Oldendorff, usa ka Liberian-flagged cargo vessel dihang kini padunggo unta sa Port of Hedland sa Western Australia gikan sa Manila.
Sa eksklusibong pakighinabi sa Bombo Radyo Butuan gipadayag ni Denmark Suede, usa ka registered nurse nga nakabase sa Sydney gihulat nalang matod pa karon sa gobyerno sa Australia ang resulta sa ilang Genome sequencing diin sutaon dinhi kung diin gikan ang na-detect nga virus ug kung mapatud-an nga gikan kini sa Pilipinas posibleng mabasol niini ang gobyerno sa nasud.
Sumala pa aduna matod na matod pay panghitabo nga gipasakay ang usa ka indibidwal sa usa ka barko taliwa nga walay pay resulta sa swab test ug nasuta lang nga positibo sa virus pag-abot na sa destination country.
Sumala ni Suede, mibiya sa South Korea ang barko adtong August 30 padulong sa Manila ug naka-abot adtong September 5 aron mag-alilis og mga crew diin dinhi gipakanaog ang 20 ka mga Pinoy crews ug gil-ilisdan og laing 20 adiser midertso sa Western Australia nga mi-abot sa Port of Hedland pagka-Septembre 16 ug tungod wala pay bakante nga kadunggu-an nagpalutaw-lutaw una ang barko og pila ka adlaw ug pag-abot sa September 23, dinhi na matod pa mitaho ang kapitan nga adunay duha ka crew nga nakitaan og simtomas sa virus.
Gilayon usab nagpadala og duha ka nurse sa barko ang Western Australian government aron maghimo og swab test diin human sa 24 ka-oras nasuta nga positibo sa sakit ang mga niini.
Gilayong gi-hikling ang 12 sa mga niini gikan 21 ka mga crew sa barko ug gipabilin ang 9 ka essential crew sanglit wala matod pa nanginahanglang og hospitalization ang mga Pinoy crew member apan gitambagan nga mag-quarantine samtang ang laing 12 hugot nga gibantayan sa usa ka hotel sa Western Australia.
