-- ADVERTISEMENT --
BUTUAN CITY – Wala na maka-abot pang buhi sa ospital ang usa ka lalaki human gikulata ning mi-aging gabii.
Naila ang biktimang si Jenrey Febrero, 25-anyos, residente sa Purok 7, Brgy. Limaha ning siyudad sa Butuan.
Base sa inisyal nga imbestigasyon, nag-inom matud pa ang biktima ug ang gwardyang suspek nga si Ricky Osorio kinsa silingan ra usab sa biktima.
Nagkalalis matud pa sila atol sa ilang pagtagay nga misangpot sa pagkulata ni Osorio kang Pebrero sa nagkada-iyang parte sa lawas ug mas gidabu-dabuhan niini ang iyang ulo hangtud ng nalup-og na.
Dali kining gidala sa ospital apan gideklara nang dead-on-arrival sa attending physician.
-- ADVERTISEMENT --
