BUTUAN CITY – Napalgan na lang nga wala na’y kinabuhi kaganinang buntag sa Brgy. Ampayon ning siyudad ang usa ka trisicad driver ng nailang si Jovelo Ayon alyas Lolong, 46-anyos, residente sa Purok Libuon sa maong barangay.
Base sa gihimong pakisusi ning sibyahan, gibutyag ni Lorie Suarez nga nakita pa niya ang biktima kagahapon sa hapon nga hubog kondiin paborito matud pa niining tagayon ang laksoy.
Halos kada-adlaw matud pa niya kining makit-ang hubog hangtud nga nakurat na lang sila dihang nakit-an na kining patay na sulod sa bodega sa usa ka hollow-block maker.
Samtang gibutyag ni Kapitan Rodencio Basubas Jr. nga tanod kini kaniadto sa ilang barangay nga natangtang tungod sa iyang bisyo nga inom nga lisod niining biyaan. Gani, sunod-sunod kining nahubog sukad pa niadtong Biernes hangtud kagahapon.
Isip kanhi tanod ug tungod kay barangay health worker usab ang asawa sa biktima, tunulan nila og dyutay nga ayuda ang iyang na-ilong pamilya sa biktima.
