BUTUAN CITY – Nag-anam kadaghan ang mga kumpirmadong kaso sa local transmission sa COIVD-19 dinhi sa dakbayan sa Butuan.
Kini ang gi-angkon ni Butuan City Councilor Cherry Mae Busa- chairman sa Committee on Health sa Sanggunang Panlungsod.
Kini base na usab sa nakalinya nga ihap sa mga Butuanon nga ipa-swab test kondiin ning mi-aging adlaw lang, mi-abot kini sa 104 human nagpositibo sa rapid test.
Sa eksklusibong pakighinabi sa Bombo Radyo Butuan, gipadayag ni Konsehal Busa nga ang maong ihap, resulta sa gihimo nilang contact tracing sa mga barangay ning siyudad nga duna’y local transmission.
Ang gikatakdang ipa-swab test ng mga indibidwal, mao kadtong natumbok nga duna’y exposure ngadto sa mga nagpositibo sa swab test.
Dugang ni Konsehal Busa, dili pagpanghadlok ang iyang gipagawas nga data kondili mao ang kamatu-uran nga dili angayang balewalaon sa tanan.
Tumong niya nga musunod lang ang tanan sa health protocols aron mapugngan pa ang pagkaylap sa local transmission sa makamatay nga coronavirus.
