BUTUAN CITY – Tumang kalipay ang gibati sa mga residente tulo ka mga barangay ning siyudad human nakadawat og relief packs subay gihapon sa nagtunhay nga COVID-19 pandemic.
Sulod sa maong gift packs ang unom ka kilong bugas, upat ka fried beef; upat ka sardinas ug unom ka 3-in-1 coffee.
Apil sa mga nakadawat niini ang 364 ka mga pamilya sa Brgy. Baan Riverside; 500 ka mga pamilya usab sa Brgy. Taligaman ug 21 ka mga pamilya sa Brgy. Nongnong kansa gipang-apod apod kagahapon.
Ang nasangpit nga ayuda gihingusgan pagpangayo sa lokal nga kagamhanan ning siyudad sa Butuan ngadto sa Department of Social Welfare and Development kon DSWD aron mahatagan ang mga wala pa kadawat sa una ug sa ikaduhang hugna sa pagpanghatag sa local government og mga relief goods.
